ჩრდილოეთ ოსეთის ქალაქ ვლადიკავკაზში პიროტექნიკის საწყობში ძლიერი აფეთქება მოხდა. ინფორმაციას რუსული მედია ავრცელებს.
აფეთქების შემდეგ საწყობში ხანძარი გაჩნდა. ცეცხლის ჩაქრობას მეხანძრე-მაშველები ამ დრომდე ცდილობენ.
ჩრდილოეთ ოსეთის მეთაურის, სერგეი მენაილოს განცხადებით, ინციდენტის შედეგად 14 ადამიანი დაშავდა, მათ შორისაა ერთი ბავშვი.
მაშველებმა ნანგრევებიდან ერთი ადამიანის ცხედარი ამოიყვანეს.
